Բնապահպանությունը Հայաստանապահպանություն է
Մենք բոլորս պատասխանատու ենք մեր, ապագա սերունդների և բնության առջև։
Ինչու ենք մենք ստեղծվել
Մենք՝ Հայաստանի Հանրապետության մի խումբ քաղաքացիներս, փաստում ենք, որ Հայաստանում մեծ թափով ընթանում է Հայաստանի էկոգաղութացում օտար կապիտալի և ներքին օլիգարխիայի կողմից բնական պաշարների լայնածավալ ու անխնա շահագործման արդյունքում։
Մենք ահազանգում ենք մեր երկրի բնության ամայացման ու թունավորման մասին, որն էլ Հայաստանին սպառնում է էկոարտագաղթով ու էկոգաղութացմամբ։ Մենք գիտակցում ենք, որ իրավիճակը հնարավոր է շտկել մեր բնապահպանական ներուժի համախմբմամբ և համակարգված գործադրմամբ։
ՀԲՃ-ի նպատակն է մեր բնության պահպանությունը, ինչպես նաև սոցիալական արդարության ապահովումը բնության հետ ներդաշնակ զարգացման միջոցով։
Ինչպես ենք աշխատում
Իրականացնում ենք բնապահպանական մշտադիտարկում, կազմակերպում և համակարգում գործողություններ։
Կամավորներ, ոչ թե աշխատակիցներ
Տարիների ընթացքում համակարգող խմբի անդամները փոխվել են, և յուրաքանչյուրն իր հնարավորությունների չափով մասնակցել է գործընթացին։